NINNE
NANNE - PREGHIERE -LITANIE-RITORNELLI |
Chicchirichi‘... u jaddhu cari‘ ... cari‘
na pignata...e su mancia‘ sa'ccugnata |
ORAZIONI DI SANTA BRIGIDA:
|
iù mi curcu pi durmiri ,
na lu sonnu
pozzu muriri ,
se nunnaiu cunfissuri
pirdunatimi Signuri.(raimondo
gissara)
Iù mi curcu pi durmiri,
nni lu sonnu pozzu muriri,
se nu'mm'arrivo a cunfissari
pirdunatimi Signuri
(Rosetta Daquino) |
|
Oh e di
la oh dormi stu figghiu da mamma to
e se stu figghiu nun muoli durmiri , naticateghi
quantu naviri
naviri 500 figghiu di oro figghiu d'argentu
oh oh oh dormi stu figghiu da mamma to (Paola
Glorioso Mia mamma cantava questa a me e mio fratello
) |
|
Sciddicaiu di na costa e mi rruppi na costa. Annaiu
no dutturi costa e ci dissi: Dutturi costa quantu mi
costa sta costa? "Figghiu miu, cara ti costa!" "ma
quantu mi costa e ccosta...aggiustatimi sta costa" (Giuseppe
Gaetano Trigili) |
|
Sutto'o lettu da zza Cicca c'è na iatta sicca sicca, cu
parra prima sa va allicca
(Francesco Gambilonghi) |
|
Luna
lunedra fammi na cudruredda fammilla bedra ranni quantu
a portu a S. Giovanni . S. Giovanni si la pigghia pi l'
amuri di sa figghia. Sa figghia e' scali scali va
rumpenno li quartari - i quartari sono chini di mieli
viva S. Paolo e S. Michele (Sebastiano Rosa
Giaquinta) |
|
E S. Francesco di Paola consamuci la tavula, ci la consamu cu pani e
pisci ca sta figghia s'addurmisci, ci la cunsamu cu pani
e carni ca sta figghia crisci ranni...(Sebastiano
Rosa Giaquinta) |
|
Dumani è duminica, tagghimmu a testa a Minica, Minica
nun c'è, tagghimmi a testa
U re, U re è malato tagghiamo a testa o surdato
... u surdato è fari a guerra tippiti tappeti u culu n
terra (Turi Terzo- Andrea Failla) |
|
"Suttu o liettu d'à zi Mattia in'ginucchiuni cuttuni
cugghia"!!!
(Biagio Barberi) |
|
Clo clo clo, vattinni a piscilo' ti fazzu na canniedda
commu a chieda di Giuvanniedda (
Maria Grazia Paparone)
Questa filastrocca si recitava tre volta quando si
faceva la zampogna con un filo d'erba (Francesco Mazza) |
|
Caterina Caterina
ti do questa rosa
come segno del mio amor
dimmi se nel tuo cuor
c'e' un po' del tuo amor
(Tanu Martillanu) |
|
Nni stu liettu mi curcu iù
cincu santi mi truovu iù
dui da testa e dui de' pieri
nni lu menzu c'è lu Signuri Diu.
Cu Gesù mi curcu
e cu Gesù mi staiù
sennu cu Gesù
paura nunn'aiu
Iu sacciu la iurnata
ma nun sacciu la nuttata
mi raccumannu a Vui
Matri Annunziata.
Nunziatedda di l'Anciulu santu
Anciulu Santu custudisci a mia
s'a fattu beni in Grazia di Diu
apritimi li porti
di lu Santu Pararisu.
(Rosetta Daquino) |
|
N'angilu do cielu
cià calatu na stola cruciata
na testa lucentissima,
Spiritu Santu spera,
Spiritu Santu libera,
ppi la vostra Santa podestà...
( si ripete 5 volte )
(Rosetta Daquino) |
|
Bedda Natri di Bon Boscu
di Bon Boscu siti murata
siti stella matutina e di razzii caricata
susiti angilu e nun durmiri
e tri nivuli viri viniri
una di acqua
una di ventu
una di rannuli traunari. |
|
Pigghia n'cutieddu
spaccala n'menzu
iettila nni la chiù funna cava
unni n'ci luci luna
unni n'ci canta iaddu
unni n'cè nessuna anima criatura.
(Si ripete tutta per tre volte). |
|
Pasqua di duminica
Natali nunn'ha iurnata
di iovi l'Ascinsioni
ti scungiuru tentazioni
(Si ripete per tre volte e si fa la croce con un coltello
tenendolo nella mano sinistra).
|
Preghiera di zia DDia
(Sentita dalla compianta Donna DDia nel 1971)
Cu li larmuzzi mia li pieri abbagnu,
cu lacrimi suspiru e mi cunfunnu.
Diu mi chiama e la Cruci mi spagna
e aiu piccati assai, perciò nun miegnu.
- “Si hai piccati assai nun mi n’allagnu,
beni ti vuogghiu e pi figghia ti tiegnu;
pigghia stu sancu mia e fattini magnu.
Sarba a Ddiu e vieni a lu ma regnu”.
Varda chi tirruri senti l’anima mia
quannu si parti pi comunicari,
intra c’è la cortesia, c’è lu nostru Ddiu generali.
A vui mi raccumannu vergini Maria,
sta razzia m’ata a-ccuncieriri eternamenti
di putiri sarvari l’anima mia.
Santu Nicola di Roma vinìa,
‘ntesta purtava na nobili cruna.
Nn’a putìa né strinciri né allargari
pi li setti piccati murtali.
Ulìa diri setti voti centu
si t’abbasta l’arma a lu sapiri mia.
Diu crià l’ommu cu travagghiu e stentu
cu lu santu sancu ca spargìa.
Diu fici lu munnu ‘nti mmumentu
e ‘nti mmumentu lu biniricìu.
A chi ti servi stu travagghiu e stentu;
si travagghi pi lu corpu e no pi Ddiu.
Sia lodatu e ringraziatu lu santu sacramentu.
Viva Maria matri di Diu.
(Vito Gambilonghi) |
|
Filastrocca di li ziti
Chi ci pensi quann'erumo ziti?
ni manciaumu i favi caliati
e ura ca semu spusati,
cauci, pugni e timpulati. |
|
Iangilu
baddangilu, pigghia Lu sceccu e puncilu, puncilu nto
piddicu ca ti nasci na macchia i ficu. |
|
Luna lunedda,
fammi na cudduredda
fammilla ranni ranni
quantu a portu a san giuvanni
san giuvanni nunna voli
e la portu a san nicola
san nicola si la pigghia
pi ll'amuri di so figgi
i so figghi scali scali
ca rrumazzunu i quartari
i quartari chini i mieli
viva viva san micheli
san micheli è nto so chianu
va circannu a san mastianu
sanmastianu è a miliddi(melilli)
va circannu i picciriddi
i picciriddi sunu o suli
ca rricuogghiunu u cuttuni,
ppi fari ca cammisedda a gesu bamminu.
mmaculata parturiu
fici un figghiu e ci muriu
si chiamava salvaturi
comu o nnommu do signuri |
|
ma nnanna fici a pasta
a mia nun mi ni desi
sta pezzu di vicchiazza
chi collira ca mi desi
mi desi nsuddicieddu
maccattai nu sciccarieddu
arrivatu a palazzuolo
sciddica u sceccu e cari ta ssuoru
Giuseppe Gaetano Trigili |
|
Io mi curcu ni stu lietto Cu
gesuzzo mio diletto
Unu la testa e due li pieri Ni lu menzu c'è signori Dio,...
|
itu itieddu, scocca d'anieddu,
longu viddanu, allicca piatti e scaccia puruocchi"
|
'NNa chiana di Catania
'mparrinu macabbunno
va ncuitannu fimmini
e ppi circari u cunnu
Na picciuttiedda schietta
s'avia a cunfissari
Stu pezzu di parrinu
ci fici stu parrari
-Figghia chi l'hai beddu
-Figghia chi l'hai beddu
-Quannu n'ama manciari
-Stu beddu picciunieddu?
-E caliti i mutanni
-E isiti a cammisa
-E fammi arrifriscari
-Stu pezzu i cosa tisa
-E lieviti di supra
-Tutta mi stai ammaccannu
-Chi iè ssu pezz'i cosa
-Ca ci stai appuntiddannu?
-E zittiti babbazza
-Nun fari la minchiuna
-Ca dda rintra la vulissutu
-Cu tutti li cugghiuna
-E primma o doppu nasci
-'Mparrinu macabbunnu
(Tanu Spina) |
|
"panzaredda di tabbutu,
quantu pani t'ha mangiatu,
quantu vinu t'ha bbivutu,
pazaredda di tabbutu"
(Giuseppe Gaetano Trigili)
|
Santa Lucia a marî
stacìa orü tagghiava e sîta cusìa
passa lü maistrü e cî dissî -Lucia cchî fai?
-iaiü l'uc?c?hiuzzî malatî
-vai nîll'ortü mia e cuogghi finocchi e dattîrî,
cü lî manü lî c?hiantai cü lî perî lî pistai...
...continua...
|
"Carruvalazzu, vattinni a Miniu
fammi passari a mia quarantana,
vieni Pascuzza di lu cori miu,
manciammu a pasta cu la zafarana".
Giuseppe Gaetano Trigili |
Mi viene in mente anche un'altra
triste canzone. Lei, di origini nobili, si ammala d'amore per
l'ortolano. La madre non capisce e crede che la figlia desideri
gli ortaggi dell'orto.
O mamma mamma iu muoru iu muoru ca di sta cosa nti ll'ortu cci
nne'.
O figghia figghia cchi vuoi pummaroru ca pummaroru nti ll'ortu
cci nne'.
Poi non ricordo piu. Era l'ortolano che voleva. Amore
impossibile
Enzo Trigili
Poi finalmente la madre capisce cosa vuole la figlia e gli chiede se
voleva l'ortolano. La figlia è contenta perché la mamma gli dice
che glielo darà in sposo.
Giuseppe Gaetano Trigili |
Picurariddu ca mbrazzu mi tieni
fuiu ammazzatu cu l'acqua sirena e ppi la pinna do cuccurucu' l
u disgraziatu i maffrari fu. Una specie di Caino e Abele
Enzo Trigili |
Questa è una favola di tre
fratelli pastori. I due piu grandi si contendono la piuma di un
uccello bellissimo, strappata da uno dei due all'uccello che
stava bevendo nel fiume chiamato "acqua serena". L'altro
fratello è spinto da un desiderio morboso e chiede di avere la
penna. Al rifiuto uccide il fratello e se ne impossessa. Poi
sotterra il corpo del povero pastore. Anni dopo il fratello più
piccolo, portando le pecore a bere trova un osso e ne fa uno
zufolo. All'improvviso questo zufolo si mette a cantare un
motivo misterioso: ",,picurareddu Ca' mbrazzu mi tieni fuiu
ammazzatu nall'acqua sireni e pi na pinna di Cuccurucu' l'assassinu
maffrari fu". Resto sconvolto il povero pastore e lo fece
vedere a suo padre, che mettendolo in bocca ottiene lo stesso
motivo: "Patruzzu miu Ca' mbrazzu mi tieni........."
Il padre anche lui sconvolto chiama l'altro figlio che a suo
tempo non aveva saputo giustificare la scomparsa del fratello e
lo invita a suonare lo zufolo. Quest'ultimo terrorizzato non
vuole suonare ma suo padre lo costringe e allora lo zufolo
cambia tono: "Fratazzu miu Ca' mbrazzu mi
tieni...............l'assassinio miu fusti tu. A questa
orrenda rivelazione, l'assassino fugge disperato e sconvolto e
nella foga cade nel fiume e annega.
Giuseppe Gaetano Trigili |
|
|
|
|