|
Se scinni lenta a nieggia o chianu e canali
u mmernu è vicinu e s’à passari.
Scinni da Scalitta o chiana d'Aosu
a genti s’aspetta tanticchia i riposu.
Genti ca parti a cuogghiri a uliva
’nta spadda nu rumazzu o na curbiedda.
N’ommu ca scinni a Santaniria,
e ‘nta sacchina si porta na vastiedda
Mentri cuminciunu arrumazzari,
a nieggia scinni o"Chianu e canali".
È’ Duminica matina e sona na Missa,
e du carusi si fanu prumissa:
Stasira abballimmu ’nti fistinu,
dicci a ta mamma ca c’é t’apparrinu.
Sulu accussì ti lascia viniri,
cu sta scaciuni ni purimmu abbrazzari.
’Nto mmernu, " Bucchieri " é commu n’ ciuri
ca cerca affettu, suli e caluri,
a genti é cuntenti da " spuriddiata ".
È Duminica matina da " Maculata "
’N tantu i ulivi nun pono aspittari
su commu dui amanti ca san’ancuntrari
che manu da genti che spuruddia,
di chiddi ca sunu a " Santaniria ".
Paisi di muntagna e n’ ciu i ventu
e genti ca nun si ferma mai un mumentu.
È sacrificiu ca faciti sta jurnata,
ch’é bbinirittu da " Maculata ".
CiccioMazza |
